चेक रिपब्लिकको प्रतिष्ठित ब्रान्ड जावा मोटो (Jawa Moto) ले अन्तर्राष्ट्रिय बजारमा आफ्नो नयाँ शक्तिशाली मोटरसाइकल ‘७३० ट्विन’ (730 Twin) सार्वजनिक गरेको छ।
यो मोटरसाइकललाई कम्पनीले आधुनिक प्रविधि र पुरानो ‘रिट्रो’ लुकको समिश्रणका रूपमा तयार पारेको छ।
शक्तिशाली इन्जिन:यसमा ७३० सीसीको लिक्विड-कुल्ड, प्यारालल-ट्विन इन्जिन जडान गरिएको छ, जसले ७४ बीएचपी पावर र ७५ एनएम टर्क पैदा गर्छ। यसको उच्च गति (Top Speed) प्रतिघन्टा २०५ किलोमिटरसम्म रहेको दावी गरिएको छ।
आधुनिक लुक्स:मोटरसाइकलको डिजाइनमा गोलाकार हेडलाइट र सानो इन्धन ट्याङ्की राखिएको छ, जसले यसलाई क्लासिक ‘क्याफे रेसर’ (Cafe Racer) को झझल्को दिन्छ। यसमा १७ इन्चको अलोय ह्विल र स्पोर्टी सिट दिइएको छ।
सुरक्षा र सस्पेन्सन:सुरक्षाका लागि यसमा डुअल च्यानल एबीएस (ABS) र ब्रेम्बो (Brembo) को शक्तिशाली डिस्क ब्रेकहरू छन्। अगाडि केवाईबी (KYB) को अपसाइड-डाउन फार्क र पछाडि मोनोशक सस्पेन्सन प्रयोग गरिएको छ।
स्मार्ट फिचर्स:यसमा टीएफटी (TFT) कन्सोल दिइएको छ, जसमा ब्लुटुथ कनेक्टिभिटी, नेभिगेसन र कल/एसएमएस अलर्ट जस्ता सुविधाहरू उपलब्ध छन्।
ए२ भेरियन्ट:युरोपेली बजारका नयाँ राइडरहरूका लागि ४७ बीएचपी पावर भएको अर्को भेरियन्ट पनि सार्वजनिक गर्ने योजना कम्पनीको छ।
यो मोटरसाइकल जावा मोटोले तयार पारेको हो, जुन भारतमा उपलब्ध क्लासिक लिजेन्ड्स (महिन्द्रा समूह) अन्तर्गतको जावा भन्दा फरक हो।
यो मोडल तत्कालै दक्षिण एसियाली बजारमा आउने सम्भावना कम भए तापनि यसले जावाको पुरानो शाखलाई फर्काउने अपेक्षा गरिएको छ।