अरनिको राजमार्गअन्तर्गत भक्तपुरको सूर्यविनायक–धुलिखेल सडक विस्तार सुस्त गतिमा अघि बढिरहेको छ।
साइट क्लियरको काम समयमै नसकिँदा निर्माण कार्य आधा मात्र सम्पन्न भएको छ। आयोजनाले अब २०८३ असार मसान्तसम्म म्याद थप्ने तयारी गरेको छ।
सडक दुई खण्डमा बाँडिएको छ:
सूर्यविनायक–साँगा खण्ड (७.५ किमि): ठेक्का रकम ३ अर्ब ८८ करोड, प्रगति ४० प्रतिशत।
साँगा–धुलिखेल खण्ड (८.३ किमि): ठेक्का रकम ४ अर्ब ५ करोड, प्रगति ५५ प्रतिशत।
ढिलाइको मुख्य कारण साइट क्लियर नगर्नु, घरटहरा र बिजुली पोल हटाउन ढिलाइ, र अतिक्रमण गरिएका संरचना हटाउँदा स्थानीय अवरोध भएको आयोजना प्रमुखले बताए।
सडक विस्तारपछि मुख्य सडक र सर्भिस लेन गरी ६ लेनको मार्ग तयार हुने र काठमाडौँ उपत्यका–पूर्वी पहाडी र तराई तथा तातोपानी नाकासम्म यात्रा सहज हुने अपेक्षा गरिएको छ।