फोर्डको फेस्टिभ अफर
Auto Nepal - Nepal's No. 1 Auto Magazine, Since - 2005
September 24, 2021

फोर्ड मोटरको नेपालका लागि आधिकारिक बितरक जीओ अटोमोबाइल्सले दर्शै – तिहार लक्षित फेस्टिभ अफर सार्बजनिक गरेको छ । जसअन्तर्गत ग्राहकले नगद छुटको साथै स्क्र्याचमा १ लाख रुपैयासम्म नगद उपहार र ५० हजार मूल्य बराबरको एसेसरिज निशुल्क पाउनेछन् ।
साथै एक बर्षसम्मको इन्सुरेन्स र रोड ट्याक्स समेत कम्पनी आफैले भुक्तानी गरिदिने बताइएको छ । नगद छुट अन्तर्गत फोर्डका सबै मोडलमा न्यूनतम ५० हजार रुपैयाँ प्रदान गरिने कम्पनी स्रोतको भनाई छ ।
फोर्ड गाडीमा कम्पनीले ३ बर्षको वारेन्टि र निशुल्क सर्भिस समेत उपलब्ध गराउँदै आएको छ ।
भारतीय बजारमा उत्पादन बन्द गर्ने निर्णय गरेसंगै अहिले नेपालमा फोर्ड गाडीको भबिष्यलाई लिएर बिभिन्न टिकाटिप्पणी भैरहेको छ । कतिपयले यसअघि कारोबार भैसकेको गाडीको सर्भिस र स्पेयर पार्टस्मा समस्या आउने सक्ने भन्दै चिन्ता ब्याक्त गरिरहेका छन् । यद्यपी कम्पनीले भने सर्भिस, स्पेयर पार्टस् र वारेन्टिमा कुनै समस्या आउन नदिने भन्दै ग्राहकलाई ढुक्क रहन आह्वान गर्दै आइरहेको छ ।