नेपालमा केटीएम ७९० ड्युक बाइक
Auto Nepal - Nepal's No. 1 Auto Magazine, Since - 2005
August 9, 2021

नेपालका लागि केटीएमको आधिकारिक वितरक हंसराज हुलासचन्द एन्ड कम्पनीले नेपालमा केटीएम ७९० ड्युक बाइकको बुकिङ खोलेको छ ।
यसको मूल्य २३ लाख ९९ हजार रुपैयाँ तोकेको छ । भारतमा गत वर्ष लन्च भएको यो बाइक अब नेपाली बजारमा समेत उपलब्ध हुने भएको हो । बीएस४ इन्जिनयुक्त यो बाइक केही संख्यामा मात्र नेपाली बजारमा उपलब्ध हुनेछ । बीएस४ भन्दा पछिल्लो संस्करण उत्पादन नभएको र भारत भन्दा बाहेक अन्य देशमा यो बाइक पहिलो पटक उपलब्ध हुन लागेको हो ।
बाइकमा ७९९ सीसीको प्यारालल ट्विन इन्जिन रहेको छ, जसले १०३ बीएचपी पावर र ८६ एनएम टर्क जेनेरेट गर्छ । यो बाइकमा ६–स्पिड गियरबक्स रहेको छ । केटीएमको यो बाइकमा एलईडी हेडल्याम्प र टेललाइट तथा ड्युक ३९० मा जस्तै टीएफटी स्क्रिनयुक्त रहेको छ । बाइकमा ३०० एमएम ड्युअल डिस्क ब्रेकसँगै जे जुआन क्लिपर्स दिइएको छ। पछाडि पांग्रामा २४० एमएम र अघिल्लो पांग्रामा ३०० एमएमको सिंगल डिस्क ब्रेक रहेको छ ।

बाइकमा स्लिपर क्लच असिस्ट, लिन सेन्सिटिभ ट्रयाक्सन कन्ट्रोल, चार राइडिङ मोडसँगै लाइभ बाई वायर, एबीएस र सुपरमोटो मोडजस्ता फिचरहरु रहेका छन् । सुपरमोटो राइडिङ मोडका कारण कर्नरिङमा पनि राइडिङ सहज हुन्छ । यसलाई स्पोर्ट, स्ट्रिट, रेन र ट्रयाक गरी चार राइडिङ मोडमा चलाउन सकिन्छ । केटीएम ७९० ड्युक बाइकको फ्रन्टमा ४३ एमएम अपसाइड डाउन टेलेस्कोपिक फोर्क र रियरमा मोनोशक सस्पेन्सन रहेको छ ।