पेट्रोनस यामाहा सेपाङ रेसिङ टिममा चर्चित मोटोजीपी राइडर रोशी
Auto Nepal - Nepal's No. 1 Auto Magazine (Since - 2005)
January 12, 2021

चर्चित मोटोजीपी राइडर भ्यालेन्टिनो रोसीले अब पेट्रोनस यामाहा सेपाङ रेसिङ टिमबाट बाइक कुदाउने छन् । सन् २०२१ को शुरुवात पश्चात उनले यो टिमबाट खेल्ने सम्झौता गत सेप्टेम्बरमै गरेका थिए ।

९ पटकका विश्व च्याम्पियन रोसी सन् २००० यता प्रिमियर क्लासमा सदैव चर्चित छन् । उनी १२५, २५०, ५०० र मोटोजीपी वर्ल्ड च्याम्पियनसिप जित्ने एक मात्र राइडर हुन् । पेट्रोनस यामाहा एसआरटीमा आवद्ध भएर उनले यामाहा वाईजेडआर–एम१ बाइक कुदाउने छन् ।

पेट्रोनस यामाहा एसआरटीमा रोसीका साथ फ्रान्को मर्बिडेली समेत हुने छन् । यो टिममा सहभागी हुन पाएकोमा फेसबुक पेजमार्फत रोसीले खुसी ब्यक्त गरेका छन् ।

यो भन्दा पहिले उनी सन् २००४ देखि २०१० र २०१३ देखि २०२० सम्म यामाहा फ्याक्ट्री रेसिङ टिममा आवद्ध थिए । बीचको समयमा उनी डुकाटीसँग आवद्ध थिए ।

पेट्रोनस यामाहा सेपाङ रेसिङ टिम मलेसियाको प्रतिष्ठित लुब्रिकेन्ट पेट्रोनस र सेपाङ इन्टरनेसनल सर्किटको नामबाट राखिएको हो ।

मलेसियन सरकारको स्वामित्वमा रहेको पेट्रोनस लुब्रिकेन्ट नेपाली बजारमा पनि उपलब्ध छ ।