अपडेटेड फीचर्समा टिभिएस स्टार सिटी प्लस सार्वजनिक
Auto Nepal - Nepal's No. 1 Auto Magazine, (Since - 2005)
March 30, 2021

दुई तथा तीन पाङग्रे सवारी साधन निर्माता टिभिएस मोटर्स कम्पनीले कम्युटर बाइक स्टार सिटी प्लस अपडेटेड भर्सनमा सार्वजनिक गरेको छ । कम्पनीले बाइकलाई ब्लु सिल्भर अप्सनमा सार्वजनिक गरेको हो । यो लोकप्रिय कम्युटर मोटरसाइकलमा ड्रम तथा डिस्क दुबै भेरियन्टको नयाँ कलरमा सार्वजनिक गरिएको हो ।

टिभिएस स्टार सिटी प्लसमा १०९.७ सीसी सिंगल सिलेन्डर इन्जिन जडान गरिएको छ । यो इन्जिनले ७,३५० आरपीएममा ८.०८ बीएचपीको पावर र ४,५०० आरपीएममा ८.७ एनएमको टर्क जेनेरेट गर्छ ।

यो बाइकमा म्यानुअल गियरबक्स ट्रान्समिसनमा पाइन्छ । टिभिएस स्टार सिटी प्लसमा इटी एफआइ टेक्नोलोजी पाइन्छ । बाइकमा एलइडी हेड ल्याम्प तथा यूएसबी मोबाइल चार्जरको पनि सुविधा जडान गरिएको छ ।