आजदेखि अग्रिम टिकट बुकिङ खुल्यो, सार्वजनिक यातायातमा दश प्रतिशत भाडा वृद्धि
Auto Nepal
September 23, 2018

यातायात व्यवसायीहरुले कि भाडा बढाउनुपर्ने कि ईन्धनको मूल्य घटाउनुपर्ने मागका साथ रोकेको अग्रिम टिकट बुकिङ सेवा सरकारले तत्काल सार्वजनिक यातायातमा १० प्रतिशत भाडा वृद्धि गर्ने निर्णय गरेसँगैं खुला गरिएको छ । सरकारले आजदेखि लागू हुनेगरी देशभरका सबै क्षेत्रमा हालको भाडामा १० प्रतिशत भाडा बढाउने र मंसिरसम्म भाडादर समायोजन गर्ने निर्णय गरेको हो ।

यातायात व्यवसायी र सरकारबीच भएको सम्झौतामा इन्धनको मल्य बढेकाले हाल १० प्रतिशत भाडा बढाउने र भाडा समायोजन गर्नका लागि ३ सदश्यीय समिति बनाउने निर्णय गरिएको छ । समितिले २ महिनाभित्र प्रतिवेदन दिने छ ।

असोज ५ गतेदेखि अग्रिम टिकट बुकिङ खोल्ने निर्णय गरेका यातायात व्यवसायीले भाडा र इन्धनको विषयमा हेरफेर नभए सम्म अग्रिम टिकट बुकिङ नखोल्ने अडानका साथ बुकिङ रोकेका थिए । लगातार ईन्धनको मूल्य बढिरहेको तर भाडा उही रहेकोले घाटा खाएर गाडी गुडाउन नसकिने भनाई यातायात व्यवसायीहरुको रहेको थियोे ।